Ich brings ned üwer die Libbn
von Gerdam 13. November 2015
Servus. Ich hab heud amål a ganz ånnerschders Anliechn. Ja, ich måch Dialeggde. Ja, ich find dadsächlich, dass dess a Stück rechionales Heimådgefühl beinhalded. Ich finds schö, wemma irchndwo hinkomm dud un a weng an Unnerschied schbürd. Wässd scho, wenn innera Rechion hald was annersch is wie dahämm. Glår is des widder den Zeidgeisd, wos für die Leud fasd scho so was wie a Reddungsring is, dass üwerall die gleichn Lädn zum finne sin. Dassmer üwerall des gleiche käff kann un sich ersd går ned oriendier muss. Kann helfen, is åwer arch langweilich. Wo bleibdn da des glennsde Fidzelchen Individualidäd? Ich will scho fassd so weid geh, zum såch, dass des enns von die ledzdn Abndeuern unnerer Zeid is. A weng badedisch ausgedrüggd.
Was går ned gehd, is des, was gråd mid unnerm Bier gemechd wird. Warum dun die von dem Konzern, der wo unner Wördsburcher Hofbräu zammgekäffd had uns edz a noch foldern? Reichds ned, dass mir unner Bier verlorn hamm, muss mer edz a noch an jeder Ecke a Werbung für des neue Zuchbferd vo die Kulmbacher vorfind? Gwasi erschd nein Dregg schmeiß un nacherd nochamål zudreed. Fasd isses a weng, als wie früher, wie blödzlich die Besadzerbrause unner Rebublig gefluded had. Edz griechn mir hald in Meefrånggn a Bier aufobdruierd, midn Nåme, der wo auf am a end dud. Des gehd går ned. Des kann schmeck, wies will. Ich griech das ned üwer die Libbn. Den Nåme ned – un scho går ned des Gsöff. Schad, dass sich sonsd kenner drüwer mockier dud. Vo die Schdudendeköbbf un die Zuzochenen kammer es ja ned erward – åwer ich finds echd schåd, dass kenner merggt, dass des a echder Affrong gechn unner Idendidäd is. Solle zukünfdiche Generazione vo Durisdn, Schdudendn un Gäsd vielleichd gläbb, dass mir vo Owerfrånggn üwerrand worrn sin? Oder vielleichd sogar glebb, mir häddn ålle an Schbråchfehler? A Weggle is a Brödle un kä Briedla oder a Weggla. Un üwer uns schdehd a Schdernle wenns enner is un Schdernli, wenns a båar sin. Sicher kä Schdernla!
- Kategorie: Vom Låden und vom Leben
- 4 Kommentare
von Gerdam 13. November 2015
Servus. Ich hab heud amål a ganz ånnerschders Anliechn. Ja, ich måch Dialeggde. Ja, ich find dadsächlich, dass dess a Stück rechionales Heimådgefühl beinhalded. Ich finds schö, wemma irchndwo hinkomm dud un a weng an Unnerschied schbürd. Wässd scho, wenn innera Rechion hald was annersch is wie dahämm. Glår is des widder den Zeidgeisd, wos für die Leud fasd scho so was wie a Reddungsring is, dass üwerall die gleichn Lädn zum finne sin. Dassmer üwerall des gleiche käff kann un sich ersd går ned oriendier muss. Kann helfen, is åwer arch langweilich. Wo bleibdn da des glennsde Fidzelchen Individualidäd? Ich will scho fassd so weid geh, zum såch, dass des enns von die ledzdn Abndeuern unnerer Zeid is. A weng badedisch ausgedrüggd.
Was går ned gehd, is des, was gråd mid unnerm Bier gemechd wird. Warum dun die von dem Konzern, der wo unner Wördsburcher Hofbräu zammgekäffd had uns edz a noch foldern? Reichds ned, dass mir unner Bier verlorn hamm, muss mer edz a noch an jeder Ecke a Werbung für des neue Zuchbferd vo die Kulmbacher vorfind? Gwasi erschd nein Dregg schmeiß un nacherd nochamål zudreed. Fasd isses a weng, als wie früher, wie blödzlich die Besadzerbrause unner Rebublig gefluded had. Edz griechn mir hald in Meefrånggn a Bier aufobdruierd, midn Nåme, der wo auf am a end dud. Des gehd går ned. Des kann schmeck, wies will. Ich griech das ned üwer die Libbn. Den Nåme ned – un scho går ned des Gsöff. Schad, dass sich sonsd kenner drüwer mockier dud. Vo die Schdudendeköbbf un die Zuzochenen kammer es ja ned erward – åwer ich finds echd schåd, dass kenner merggt, dass des a echder Affrong gechn unner Idendidäd is. Solle zukünfdiche Generazione vo Durisdn, Schdudendn un Gäsd vielleichd gläbb, dass mir vo Owerfrånggn üwerrand worrn sin? Oder vielleichd sogar glebb, mir häddn ålle an Schbråchfehler? A Weggle is a Brödle un kä Briedla oder a Weggla. Un üwer uns schdehd a Schdernle wenns enner is un Schdernli, wenns a båar sin. Sicher kä Schdernla!
- Kategorie: Vom Låden und vom Leben
- 4 Kommentare
Ich möcht ja nix saggn… abber die Hofbräu is ach kenn kind von draurichkeit. Die ham damals ach des Löhrer Bier gekefft un dannemal schö klammheimlich des Festbier mit der Wörzburcher Brüh gebraut die wo se Wasser nenn… 😉 Und alls schö abgestritten bis enner bewiese hat, dass das mit dem Wasser fei net sei kann.
Hey, ich les gern ma vom Laden und vom Leben, aber ist das Thema hier nicht schon leicht angestaubt?
http://www.mainpost.de/regional/wuerzburg/Brauereien;art735,7420668
Oder verwechsel ich etwas?
Naja, machts ja auch nicht unwahr, nur als Ex Würzburger Studendekobf dacht ich das wäre "mords agduell".. scheint aber etwas spät für Widerstand?
Schöne Grüße
Rechd hassde, is sch a weng bedåchd. Awer ab und zu muss ma sich hald a üwer Dinge aufrech, die wo ned ganz so aggduell sin. Had nadürlich bei mir a Vorgschichd, die wo awer hier nix zum suchn had ;-). Dass des Bier scho a ganze Weile eggsisdierd un a gud angnomme wird is ja blos Wasser auf mei Mühln.
Rechd hadda, der Gerd oder a des Gerdle
Un schmegg duds a ned