Åldeisn [Alteisen]
von Gerdam 13. Februar 2026
Podcast: Play in new window | Download (Duration: 18:40 — 14.8MB)
Vom Låden und vom Leben Nummer 37 – Åldeisn
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #37: Åldeisn)
Servus ihr Liem dord draußn
Heud mach ich genau dess, was ihr vo mir erwardn dud, wenn ich mei Halbjahresbeschdellung ferdich hab. Also ned ausschlieslich des, wassder vo mir erwardd dud. Also meggern.
Eichndlich will ich euch verzähl, dass dess für mich alles immer mehr a fremde Weld wird.
Also werbål, awer ehm ned blos.
Desweechn fang ich edz amål mid denne Neolochismen a. Also als erschdes Beischbiel.
Mei fränggischs Owerschdüble is desweeng in derre ledzdn Zeid ganz schö neis schwitzn komm. Awer eds, wos rum iss, kann ich mei neu erlerndes Wissn mid euch deil.
Jede Menge neue Wörder habb ich glerrnd. Also echd, ich hald mich ja eichndlich für relladief elogwend. Mid an zimmlich grousn Wordschadz. Als ned blos im Fränggischn, ah im Hochdeutsch. Drodzdem hädd ich bald a Wörderbuch brauchd. Bis ich gschnalld hab, dass ich die meisdn vo denne Wörder eefach ausm angelsächsischn ableid kå.
"Häit du Laff" bedeuded, dass zwä Leud sich eichndlich üwerhaubd ned möch du, awer die Hormönlie a annersch Drehbuch gschriem hamm. Des wird dann ah gern a weng
"ssbeissie", also seggsuell aufglådn. Da gibbds sogår a "Ssbeiss Skala". Meisdns vo eins bis fünf. Und wenn des nacherd a fünf is, wirds schon ganz schö eggsblizzid. Früher hädd mer gsåchd bornograffisch und häddns unnerm Lådndisch verkäff müss. Heud isses "ssbeissie" und auf derre Schbieglbesdsellerlisdn druff.
"Häit du Laff" kann a innerer "Forsd Broggsimmidie" vorkomm. Also wenn Leud unner Zwang beinanner sin. Früher hammer des geechn n Willn verheierd gnannd und dass dess scho alles gud werrn wirrd war des dumme Gschmarri vo derre Mudder, der wos früher genauso ganggn is, wo des also eichndlich hädd besser wiss müss. Gsåchd haddse dess aus sonerer Ård fadalisdischer Schigglichkeidshörichkeid. War a schönner Scheiß, wo mir in meiner Generazion eichndlich froh drüwer wårn, dassmer die Zeidn üwerwunne hamm. Heud isses irchndwie seggsie und anscheinend so was wie a verloggende Fandasie. Na ja, wie auch immer. Ich habs verschdanne.
"Ennemies to Laffers" is üwrichns im Brinnzibb des gleiche. Also glebb ich.
Meisdens is der Grund dafür, dass die Hormönli vo denne weiblichn Haubdkaraggdären durchenanner bring, irchnd so a Alfamännle, midn Körrber wie enner vonnen Dschibbndäils unnem Karraggder vonnem astreine Oaschloch. Der is dann zum Beischbiel a Verbrecher vo der Maffia, a richdich böser Feldherr vo denne Geechnern, wo des ganze Volgg vo der Heldin ausrodd woll, oder was wäss ich. Da schdehd nacherd noch immer dabei, dass die sich endscheid muss, zwischn dem Wohl und Wehe vo ihrm Volgg und ihrem Herzen. Ich glebb eher, dass des net so viel midn Herzn zum dun hadd, sonndern eher mid die unnerdrüggdn Hormönli. Awer ich bin ja blos a Kerl, der wo vo sowas kei Ahnung hab kå oder dörff.
Awer es is nedd immer so bös. Ab und an isses a "kosie" also liebenswerd und innerer Wohlfühlwelld. Oder des ganze is enne "Romm Komm", also a rommandische Kommödie. "Grammbie x grammbie" oder "grammbie sannschein" is nacherd Gschmaggsach. Kann a "slou börn" sei, wenn die dess gemüdlich åhgeh lassn. Gibds dann ofd als "Hie folls försd", wenn der "Emm Emm Sie" also der männliche Haubdkaraggder sich scho längsd nei die Broddagonisdin verliebd hadd. Gibbds a als "Hie foll harrder", also nedd bloos zuerschd, sondern a noch heffdich, beziehungsweise heffdicher. Des nennd mer nacherd "obsessd", also sozmsåch besessen oder zumindessd bruddål fogussierd.
Neben den grimminellen Oarschlöchern und feindlichen Desboodn gibbds awer a Hoggeischbieler, Feuerwehrleud, Subberstaars, oder a Leud ausm Hochådl, also "Roiels". Glebbds mer, es gibbd nix, wasses ned gibbd. Und kee ennzicher Verlåch, wo nedd sei Soddimend nei die Richdung verschobn hadd. Du liesd diese Begriffli also immer wieder und nach denne zwei Wochn indensiefer Beschäfdichung sin die nei mein Schbrachgebrauch üwergegangen. Was awer noch dazu komm dud, sind die Werbeschbrüchli. "Bewechende Übsilon A Sdorrie", also für junge Erwaxene. Wobei ich mich an derre Schdelle a fraach, wie jung die sein dürffn mid denne bornografischn Inhåldn und gleichzeidich, wie lang mer a junger Erwaxener iss? Dabei fallen denne Werbedexdern Deemen wie "Mendll Hells", "Embauermennd" als Werbeslougen ein. Also ich du mir da in dem Zusammenhang schwer.
Was mir auf jedn Fall gloar is, is dass der fast schon putzig anmudende Versuch, einiger konserfadieferer Verlåche, dess ganze serjös zum verbagg, denne hibbn Formulierungen nedd schdaddhald kå.
"Ssbeissie Enimies tu Laffers" is eefach vielsåchnder, wie "Zeitgenössische Liebesromane" und ich glebb, dass dess in a boar Jährli a kenner mehr verschdeh wird.
Damidd lass ich dess mid denne Neologismen für heud a gud sei. Kommmer amål zur zugegebenermåsn obulendn Obdig. Awer dummerweise hald immer der selbe Schdiel.
Nacherd is dess edz obdisch middlerweile ehrlich gsaachd a a Einheidsbrei. Wenns eeds Büchle in limidierder Ersdauflåche gibbd, (ich zidiere:) mid wunderschön geschdaldedem Farbschnidd, nacherd is dess hald a nix bsonderes mehr, sondern der gleiche Einheidsbrei, wie vor eddlichn Jåhr die Kabuzznmännli auf jedm Kawer, oder die Boris Waleio Klons in den Achzichern.
Braggdisch is des für mich a enns vo denne Broblemmli.
Wenn edz nämmlich a widder alles gleich ausseh dud und mid denne selbn Slougens beworrm wird, isses enorm schwierich irchndwas auszumsuch, was inderessand sei könnd. Im näxdn Jåhr simmer dann schlauer. Da schdelld sich nämmlich raus, bei wie vielen von denne Büchli, die "limidierde Ersdufflåche" immer noch ausglieferd wird.
Dass edz viel als werdiches, gebundenes Buch erscheind, is ja schö. Im Geechndeil, war des scho immer mei Wunsch. Also bei Dobb Diddln. Dasses hald keinerlei Differnzierung geb dud, is des Brobleem. Heyne had zum Beischbiel a boar echd schönne Glassiger, wo edz a in derre Form rauskomm dun. Mischd die awer derård wild mid all den Diddln, die wo nacherd in denne Buchkaufhäusern zammgschdelld werrn, gwasi demadisch vereind, dassde goar nix mer bliggsd.
Dabei dun die ihrn zugegebenermasn realisdidchn Marggdwerd eefach blos dadurch erziel, dass se hübsch ausschau dun, awer simbl gschdriggd sin. Dadurch dasse niedere Insdinggde befriedich dun und dabei awer bibliofiel genuch ausschaun, um salonfähich zum sein und gleichzeidich so ennen romandisch kidschich Datsch hamm, dasse als deggoradiefe Elemende für die Gefielde vo glenne Mädls oder nimmer ganz so glenne, awer jung gebliebene Mädels herhald könn.
Awer bleib mer ersd amål noch bein Deema Schbråch. Genauer gsåchd, bei derre englischn Schbråch.
Da habb ich zwar a scho ofd drüwer geredd und gschriem. Aber wieso muss alles immer englisch sei? "Wenn Scheddos darken se san", "Goldgressd Männer Drillodschi" oder "Fäidid Fixäischen"? Weils nacherd besser gling dud? A wenns deudsche Audorinnen sinn? Alle üwrichens Fängörls. Die üwrichens alle Katzen hamm du (oder im Nodfall a boar glenne Hünd. Tschiwawas zum Beischbiel) und alle gerne lange Schbaziergäng mach. Wennse kä Kadz hamm, nacherd wird weniggsdns a endschbrechnder Bseudonüm gewähld. "Kazi".
A noch a schönnes Schdichword. Bseudonüm gibbds nämmlich a a boar drolliche. Meisdenz a english. Und immer schbrechend. Sozumsåch gehm die scho enn Vorgeschmagg off dess, was kommd. HC Dolores. Na ja, da wirds wohl Schmerz und Leid gebb. Mei romanische Gundbildung is mämmlich a ned schlechd. Dolor, doloris: der Schmerz. Die lebbd üwrichns miderre eeaachichn Kadz unnem Kordschi zamm, also demm Lieblingshund vo derre Gwien.
Ach ja, was mer nedd vergess dürf. Alle mideinand sinn immer und ausschließlich Besdseller Audorinnen. Schbiegel, Niu Jork Daims und was wäss ich. Also zusädslich dazu, dasse Diggdogg Sensäischäischens sin. Und die Bücher sin nadürlich immer Schbidzndiddl. Wie soll des a anners sei, bei enner Schbiegl-Besdseller- Audorin aus Deudschland, Mid soemm draumhafdn Diddl wie "Rojäl Fäig"? A wemmer in genau dem Fall vielleichd doch üwern weng glangvolleren Bseudonüm nachdengg solld…
Gehd ja. Zum Beischbiel Frau Scharlodde Robinson. Da is eichndlich scho gloar, was die schreim wird. Kim Stänli Robinson könnds Vorbild sei. Also Mars. Robinsonade. Also Ändi Wier. Marsianer. Sach ich doch. A gud gwähldes Bseudonüm machds gleich allen leichder, sich zurechd zum find. A denne Schbrüchliglobfer von der Werbedexdabdeilung: Dän Braun driffd auf Ändi Wier (sach ich doch!)
Also verschded mich ned falsch, des Buch vo der Frau Robinson muss ned schlechd sein. Awer es schded hald im Kaddalooch zwischen Slou Bürn Liebesroman und Äkädemie Adels Schmonzedden. Da gehd mir eefach die Lusd ab, mich näher damid zum beschäfdichn.
Kå scho gsei, dass des nacherd ungerechd is. Vielleichd a kindische Drodzaggzion, wo mir eichndlich zum dengg geb solld. Ob des nedd eefach an mir liech dud. Mei dübbische Kwerdreiberei. Ich sach blos "Siem Jåhr ned gerauchd und dann wieder ågfanggd, weil mir die Ård und Weise geechn n Schdrich gangen is. Gloar isses mir bewussd, dass des a dumme Drodzreagzion is. Und dass ich damid kä Signal send du. Als Märdürer. An solchn Bunggdn bin ich ned besser, wie die Aluhüd Leud. Dass des in der Endfase vo der Fussball We Emm zwanzichzehn wår. Nach dem Schbiel geechn Archendinien, wo mir die vier zu null weggebiddschd hamm un dass da dann jeder, wo a weng gern innerer Feierlaune is müd und verkaderd dähämm gebliem is. Wird ja ned so weid komm. Doch! Weil alle Schbassbremsn zur Urne gangn sinn.
Herr Eibach
Graddulazion Herr Frankenberger vo derre ÖDeBe!
Herr Eibach!
Alles Eiferer!
Herr Eibach!!! Sie machen sich lächerlich und verspielen jeglichen Rest an Glaubwürdigkeit und Reputation!
Na gud. Eichndlich wolld ich ja blos verglär, dass des bei mir so a Ård Reflex is. Ich wäss scho, dass des ned gechn mich gehd. Dass des Marggdschdraddegien wechn heudichm Kaufverhaldn sin. A wenn ich da immer noch nen ned so rechd aufgedröselden Zirgelschuss vermud du. Also a Henne Ei Broblem.
Faggd is, dass die Käufergrubbe wechbrochn is, die wo bis nei die Neunzicher garandierd had, dass eddliche namhaffde Verlache sowohl a ambizionierdes und vorbildlich kuradierdes Brogramm anbiedn konndn, als auch enne ausreichend große Auswahl an Dräsch und Schunddiddln. Zugegebenermasn vorwiegend für Leud mid Übsilon Gromosömmli.
Was üwrichens immer wieder zu Endrüssdungsschdürmen seidens enner erwachden Grubbe von Menschen ohne diese Gromosömmli geführd had. Ich hab damals immer gsåchd, dass ich scho wäss, dass des Dräsch is. Und dass ich sehr wohl den Unnerschied kenn, zwischn den Diddln, wo ich aus liderarischn Inderesse les du und dennen, wo für mich hald eefach ennen gewissn Underhaldungswerd hamm du. Im Übrichn war der Dräsch damals a noch ziemlich günsdich. Hefdli hald. Wie die Balbs. Awer aus denne Formådn sin vei a a boar liderarische Grösn hervorgangn. Nur amål so.
Wenn ich mich edz Zeder und Mordio rufend auslass du, üwer den heudichn Buchmarggd, nacherd muss ich a amål versuch, da a weng objediefer draufzumguck. Ehm, dass die Leud vo damals ehm ausschderb du oder scho ausschdorm sinn. Und edz werrn se ehm abgelösd. Vo enner neun und kaufgräffdichn Zielgrubbe. Und die beschdimmd ehm heud, wos lang gehd. Dass ich damid mei Broblemmli hab, liechd wardscheins dadran, dass ich selber zu derre Grubbe vo Fossilien ghör du.
Ward amål. Nacherd muss ich mich selber hinderfråch, glebb ich.
Jetzt einmal ganz ehrlich Herr Eibach.
Egal wie abschätzig sie sich über diesen "heutigen Trash" äußern, ist es immerhin erstaunlich, wie viele dieser neuen Autorinnen eine echte und direkte Verbindung zum Buch haben.
Eigentlich alle definieren sich darüber, dass sie seit frühester Kindheit lesen, viel lesen.
Genau wie sie seinerzeit.
Häufig kommen sie aus dem Buchhandel. Sind Verlegerinnen oder Buchhändlerinnen.
Kommt ihnen das bekannt vor?
Was ist es also genau, das sie kritisieren?
Ist es nicht einfach viel mehr der normale Lauf der Dinge?
Dass Sie jetzt der Generation ihrer eigenen früheren Eltern und Großeltern angehören?
Dass sie entsprechend ihrem eigenen biologischen Alter nicht mehr in der Lage sind, Verständnis aufzubringen? Für die Themen, die eine neue Generation beschäftigen?
Herr Eibach, kann es sein, dass sie jetzt einfach in der Rolle ihrer ehemaligen Deutschlehrer aufgehen?
Goethe über Asimov, Schiller über LeGuin?
Kann es sein, dass sie prinzipiell alles moderne als Schund oder zumindest wohlwollend als eskapistische Unterhaltungsliteratur betiteln?
Klingelt es da bei ihnen, Herr Eibach?
Große und schwerwiechende Fråchn, wo ich mir da edz schdell müssd.
Selbsdzweifl.
Ins Wanken gerådendes Selbsdverschdändnis.
Könnd des sei, dass ich edz echd der alde Debb bin, der wo schdändich rummeggerd und üwer die junge Leud blosn Kobf schüddeln kå?
Ja, Herr Eibach.
Und dass sie sich peinlicherweise bis heute in ihre pseudojugendlichen Klamotten zwängen macht die Sache auch nicht besser.
Das ist allerfeinste Verdrängung!
Dementia lässt grüßen!
Verdammd. Isses am End wår? Is des ganze Zeuch, was eeds Jåhr zwä bis drei mål in denne Brosbegdli åbriesn wird går ned so schlechd und vor allm går ned so annersch wie früher? Bin ich eefach blos zu verschdoggd um mich drauf einzumlass? Bin ich Schdädler und Walldorf in Bersonalunion? Der nerfiche ålde Sagg, der wo sein Frusd nei die Weld schreid, weiler genau des is? Nämmlich a ålder Sagg?
Ich habb da a ganz gloare Vorschdellung vo der Andword auf all diese Fråchn.
Awer die had "Der Solibsisd" in Freddrigg Brauns gleichnamiger Kurzgeschichde ja a. Is üwrichns a dolls Büchle. Damals bei Diochenes erschienen. In derre Zeid, wo ich vorinds vo verzähld hab. Wo die groasn Verlache noch Seins Figgschen und Fändäsie schdolz im Brogramm gführd hamm.
Flidderwochn in der Hölle war der Diddl.
Üwrichens noch früher a schonnamål. Da ehm noch als Hefdle. Bei Möwich. Derra Sonderband ennesiebzich. Neunzehnhunnerddreiasechzich. Midn Diddlbild vom gudn åldn Dschonnie Bruck. Awer dass ich all dess wiss du und gleichzeidich nix mid demm neun Zeuchs åfang kå, hadd sicher nix mid mein Ålder zum du.
Ich bin doch kä Åldeisn.
Und edz hör ich uff mid dem Gschmarr,
wünsch euch a am kommendn Wochnend viel Schbass und Freud und verabschied mich wie immer boliglodd mid mein allseid beliebdn
tschau, arrifidertschi, euer Gerd
Und diesmal brauch ich kä Fiedbägg.
Sicher.
- Kategorie: Gerd solo , Mini Podcast , Sprecher Gerd , Vom Låden und vom Leben
- Keine Kommentare
von Gerdam 13. Februar 2026
Podcast: Play in new window | Download (Duration: 18:40 — 14.8MB)
Vom Låden und vom Leben Nummer 37 – Åldeisn
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #37: Åldeisn)
Servus ihr Liem dord draußn
Heud mach ich genau dess, was ihr vo mir erwardn dud, wenn ich mei Halbjahresbeschdellung ferdich hab. Also ned ausschlieslich des, wassder vo mir erwardd dud. Also meggern.
Eichndlich will ich euch verzähl, dass dess für mich alles immer mehr a fremde Weld wird.
Also werbål, awer ehm ned blos.
Desweechn fang ich edz amål mid denne Neolochismen a. Also als erschdes Beischbiel.
Mei fränggischs Owerschdüble is desweeng in derre ledzdn Zeid ganz schö neis schwitzn komm. Awer eds, wos rum iss, kann ich mei neu erlerndes Wissn mid euch deil.
Jede Menge neue Wörder habb ich glerrnd. Also echd, ich hald mich ja eichndlich für relladief elogwend. Mid an zimmlich grousn Wordschadz. Als ned blos im Fränggischn, ah im Hochdeutsch. Drodzdem hädd ich bald a Wörderbuch brauchd. Bis ich gschnalld hab, dass ich die meisdn vo denne Wörder eefach ausm angelsächsischn ableid kå.
"Häit du Laff" bedeuded, dass zwä Leud sich eichndlich üwerhaubd ned möch du, awer die Hormönlie a annersch Drehbuch gschriem hamm. Des wird dann ah gern a weng
"ssbeissie", also seggsuell aufglådn. Da gibbds sogår a "Ssbeiss Skala". Meisdns vo eins bis fünf. Und wenn des nacherd a fünf is, wirds schon ganz schö eggsblizzid. Früher hädd mer gsåchd bornograffisch und häddns unnerm Lådndisch verkäff müss. Heud isses "ssbeissie" und auf derre Schbieglbesdsellerlisdn druff.
"Häit du Laff" kann a innerer "Forsd Broggsimmidie" vorkomm. Also wenn Leud unner Zwang beinanner sin. Früher hammer des geechn n Willn verheierd gnannd und dass dess scho alles gud werrn wirrd war des dumme Gschmarri vo derre Mudder, der wos früher genauso ganggn is, wo des also eichndlich hädd besser wiss müss. Gsåchd haddse dess aus sonerer Ård fadalisdischer Schigglichkeidshörichkeid. War a schönner Scheiß, wo mir in meiner Generazion eichndlich froh drüwer wårn, dassmer die Zeidn üwerwunne hamm. Heud isses irchndwie seggsie und anscheinend so was wie a verloggende Fandasie. Na ja, wie auch immer. Ich habs verschdanne.
"Ennemies to Laffers" is üwrichns im Brinnzibb des gleiche. Also glebb ich.
Meisdens is der Grund dafür, dass die Hormönli vo denne weiblichn Haubdkaraggdären durchenanner bring, irchnd so a Alfamännle, midn Körrber wie enner vonnen Dschibbndäils unnem Karraggder vonnem astreine Oaschloch. Der is dann zum Beischbiel a Verbrecher vo der Maffia, a richdich böser Feldherr vo denne Geechnern, wo des ganze Volgg vo der Heldin ausrodd woll, oder was wäss ich. Da schdehd nacherd noch immer dabei, dass die sich endscheid muss, zwischn dem Wohl und Wehe vo ihrm Volgg und ihrem Herzen. Ich glebb eher, dass des net so viel midn Herzn zum dun hadd, sonndern eher mid die unnerdrüggdn Hormönli. Awer ich bin ja blos a Kerl, der wo vo sowas kei Ahnung hab kå oder dörff.
Awer es is nedd immer so bös. Ab und an isses a "kosie" also liebenswerd und innerer Wohlfühlwelld. Oder des ganze is enne "Romm Komm", also a rommandische Kommödie. "Grammbie x grammbie" oder "grammbie sannschein" is nacherd Gschmaggsach. Kann a "slou börn" sei, wenn die dess gemüdlich åhgeh lassn. Gibds dann ofd als "Hie folls försd", wenn der "Emm Emm Sie" also der männliche Haubdkaraggder sich scho längsd nei die Broddagonisdin verliebd hadd. Gibbds a als "Hie foll harrder", also nedd bloos zuerschd, sondern a noch heffdich, beziehungsweise heffdicher. Des nennd mer nacherd "obsessd", also sozmsåch besessen oder zumindessd bruddål fogussierd.
Neben den grimminellen Oarschlöchern und feindlichen Desboodn gibbds awer a Hoggeischbieler, Feuerwehrleud, Subberstaars, oder a Leud ausm Hochådl, also "Roiels". Glebbds mer, es gibbd nix, wasses ned gibbd. Und kee ennzicher Verlåch, wo nedd sei Soddimend nei die Richdung verschobn hadd. Du liesd diese Begriffli also immer wieder und nach denne zwei Wochn indensiefer Beschäfdichung sin die nei mein Schbrachgebrauch üwergegangen. Was awer noch dazu komm dud, sind die Werbeschbrüchli. "Bewechende Übsilon A Sdorrie", also für junge Erwaxene. Wobei ich mich an derre Schdelle a fraach, wie jung die sein dürffn mid denne bornografischn Inhåldn und gleichzeidich, wie lang mer a junger Erwaxener iss? Dabei fallen denne Werbedexdern Deemen wie "Mendll Hells", "Embauermennd" als Werbeslougen ein. Also ich du mir da in dem Zusammenhang schwer.
Was mir auf jedn Fall gloar is, is dass der fast schon putzig anmudende Versuch, einiger konserfadieferer Verlåche, dess ganze serjös zum verbagg, denne hibbn Formulierungen nedd schdaddhald kå.
"Ssbeissie Enimies tu Laffers" is eefach vielsåchnder, wie "Zeitgenössische Liebesromane" und ich glebb, dass dess in a boar Jährli a kenner mehr verschdeh wird.
Damidd lass ich dess mid denne Neologismen für heud a gud sei. Kommmer amål zur zugegebenermåsn obulendn Obdig. Awer dummerweise hald immer der selbe Schdiel.
Nacherd is dess edz obdisch middlerweile ehrlich gsaachd a a Einheidsbrei. Wenns eeds Büchle in limidierder Ersdauflåche gibbd, (ich zidiere:) mid wunderschön geschdaldedem Farbschnidd, nacherd is dess hald a nix bsonderes mehr, sondern der gleiche Einheidsbrei, wie vor eddlichn Jåhr die Kabuzznmännli auf jedm Kawer, oder die Boris Waleio Klons in den Achzichern.
Braggdisch is des für mich a enns vo denne Broblemmli.
Wenn edz nämmlich a widder alles gleich ausseh dud und mid denne selbn Slougens beworrm wird, isses enorm schwierich irchndwas auszumsuch, was inderessand sei könnd. Im näxdn Jåhr simmer dann schlauer. Da schdelld sich nämmlich raus, bei wie vielen von denne Büchli, die "limidierde Ersdufflåche" immer noch ausglieferd wird.
Dass edz viel als werdiches, gebundenes Buch erscheind, is ja schö. Im Geechndeil, war des scho immer mei Wunsch. Also bei Dobb Diddln. Dasses hald keinerlei Differnzierung geb dud, is des Brobleem. Heyne had zum Beischbiel a boar echd schönne Glassiger, wo edz a in derre Form rauskomm dun. Mischd die awer derård wild mid all den Diddln, die wo nacherd in denne Buchkaufhäusern zammgschdelld werrn, gwasi demadisch vereind, dassde goar nix mer bliggsd.
Dabei dun die ihrn zugegebenermasn realisdidchn Marggdwerd eefach blos dadurch erziel, dass se hübsch ausschau dun, awer simbl gschdriggd sin. Dadurch dasse niedere Insdinggde befriedich dun und dabei awer bibliofiel genuch ausschaun, um salonfähich zum sein und gleichzeidich so ennen romandisch kidschich Datsch hamm, dasse als deggoradiefe Elemende für die Gefielde vo glenne Mädls oder nimmer ganz so glenne, awer jung gebliebene Mädels herhald könn.
Awer bleib mer ersd amål noch bein Deema Schbråch. Genauer gsåchd, bei derre englischn Schbråch.
Da habb ich zwar a scho ofd drüwer geredd und gschriem. Aber wieso muss alles immer englisch sei? "Wenn Scheddos darken se san", "Goldgressd Männer Drillodschi" oder "Fäidid Fixäischen"? Weils nacherd besser gling dud? A wenns deudsche Audorinnen sinn? Alle üwrichens Fängörls. Die üwrichens alle Katzen hamm du (oder im Nodfall a boar glenne Hünd. Tschiwawas zum Beischbiel) und alle gerne lange Schbaziergäng mach. Wennse kä Kadz hamm, nacherd wird weniggsdns a endschbrechnder Bseudonüm gewähld. "Kazi".
A noch a schönnes Schdichword. Bseudonüm gibbds nämmlich a a boar drolliche. Meisdenz a english. Und immer schbrechend. Sozumsåch gehm die scho enn Vorgeschmagg off dess, was kommd. HC Dolores. Na ja, da wirds wohl Schmerz und Leid gebb. Mei romanische Gundbildung is mämmlich a ned schlechd. Dolor, doloris: der Schmerz. Die lebbd üwrichns miderre eeaachichn Kadz unnem Kordschi zamm, also demm Lieblingshund vo derre Gwien.
Ach ja, was mer nedd vergess dürf. Alle mideinand sinn immer und ausschließlich Besdseller Audorinnen. Schbiegel, Niu Jork Daims und was wäss ich. Also zusädslich dazu, dasse Diggdogg Sensäischäischens sin. Und die Bücher sin nadürlich immer Schbidzndiddl. Wie soll des a anners sei, bei enner Schbiegl-Besdseller- Audorin aus Deudschland, Mid soemm draumhafdn Diddl wie "Rojäl Fäig"? A wemmer in genau dem Fall vielleichd doch üwern weng glangvolleren Bseudonüm nachdengg solld…
Gehd ja. Zum Beischbiel Frau Scharlodde Robinson. Da is eichndlich scho gloar, was die schreim wird. Kim Stänli Robinson könnds Vorbild sei. Also Mars. Robinsonade. Also Ändi Wier. Marsianer. Sach ich doch. A gud gwähldes Bseudonüm machds gleich allen leichder, sich zurechd zum find. A denne Schbrüchliglobfer von der Werbedexdabdeilung: Dän Braun driffd auf Ändi Wier (sach ich doch!)
Also verschded mich ned falsch, des Buch vo der Frau Robinson muss ned schlechd sein. Awer es schded hald im Kaddalooch zwischen Slou Bürn Liebesroman und Äkädemie Adels Schmonzedden. Da gehd mir eefach die Lusd ab, mich näher damid zum beschäfdichn.
Kå scho gsei, dass des nacherd ungerechd is. Vielleichd a kindische Drodzaggzion, wo mir eichndlich zum dengg geb solld. Ob des nedd eefach an mir liech dud. Mei dübbische Kwerdreiberei. Ich sach blos "Siem Jåhr ned gerauchd und dann wieder ågfanggd, weil mir die Ård und Weise geechn n Schdrich gangen is. Gloar isses mir bewussd, dass des a dumme Drodzreagzion is. Und dass ich damid kä Signal send du. Als Märdürer. An solchn Bunggdn bin ich ned besser, wie die Aluhüd Leud. Dass des in der Endfase vo der Fussball We Emm zwanzichzehn wår. Nach dem Schbiel geechn Archendinien, wo mir die vier zu null weggebiddschd hamm un dass da dann jeder, wo a weng gern innerer Feierlaune is müd und verkaderd dähämm gebliem is. Wird ja ned so weid komm. Doch! Weil alle Schbassbremsn zur Urne gangn sinn.
Herr Eibach
Graddulazion Herr Frankenberger vo derre ÖDeBe!
Herr Eibach!
Alles Eiferer!
Herr Eibach!!! Sie machen sich lächerlich und verspielen jeglichen Rest an Glaubwürdigkeit und Reputation!
Na gud. Eichndlich wolld ich ja blos verglär, dass des bei mir so a Ård Reflex is. Ich wäss scho, dass des ned gechn mich gehd. Dass des Marggdschdraddegien wechn heudichm Kaufverhaldn sin. A wenn ich da immer noch nen ned so rechd aufgedröselden Zirgelschuss vermud du. Also a Henne Ei Broblem.
Faggd is, dass die Käufergrubbe wechbrochn is, die wo bis nei die Neunzicher garandierd had, dass eddliche namhaffde Verlache sowohl a ambizionierdes und vorbildlich kuradierdes Brogramm anbiedn konndn, als auch enne ausreichend große Auswahl an Dräsch und Schunddiddln. Zugegebenermasn vorwiegend für Leud mid Übsilon Gromosömmli.
Was üwrichens immer wieder zu Endrüssdungsschdürmen seidens enner erwachden Grubbe von Menschen ohne diese Gromosömmli geführd had. Ich hab damals immer gsåchd, dass ich scho wäss, dass des Dräsch is. Und dass ich sehr wohl den Unnerschied kenn, zwischn den Diddln, wo ich aus liderarischn Inderesse les du und dennen, wo für mich hald eefach ennen gewissn Underhaldungswerd hamm du. Im Übrichn war der Dräsch damals a noch ziemlich günsdich. Hefdli hald. Wie die Balbs. Awer aus denne Formådn sin vei a a boar liderarische Grösn hervorgangn. Nur amål so.
Wenn ich mich edz Zeder und Mordio rufend auslass du, üwer den heudichn Buchmarggd, nacherd muss ich a amål versuch, da a weng objediefer draufzumguck. Ehm, dass die Leud vo damals ehm ausschderb du oder scho ausschdorm sinn. Und edz werrn se ehm abgelösd. Vo enner neun und kaufgräffdichn Zielgrubbe. Und die beschdimmd ehm heud, wos lang gehd. Dass ich damid mei Broblemmli hab, liechd wardscheins dadran, dass ich selber zu derre Grubbe vo Fossilien ghör du.
Ward amål. Nacherd muss ich mich selber hinderfråch, glebb ich.
Jetzt einmal ganz ehrlich Herr Eibach.
Egal wie abschätzig sie sich über diesen "heutigen Trash" äußern, ist es immerhin erstaunlich, wie viele dieser neuen Autorinnen eine echte und direkte Verbindung zum Buch haben.
Eigentlich alle definieren sich darüber, dass sie seit frühester Kindheit lesen, viel lesen.
Genau wie sie seinerzeit.
Häufig kommen sie aus dem Buchhandel. Sind Verlegerinnen oder Buchhändlerinnen.
Kommt ihnen das bekannt vor?
Was ist es also genau, das sie kritisieren?
Ist es nicht einfach viel mehr der normale Lauf der Dinge?
Dass Sie jetzt der Generation ihrer eigenen früheren Eltern und Großeltern angehören?
Dass sie entsprechend ihrem eigenen biologischen Alter nicht mehr in der Lage sind, Verständnis aufzubringen? Für die Themen, die eine neue Generation beschäftigen?
Herr Eibach, kann es sein, dass sie jetzt einfach in der Rolle ihrer ehemaligen Deutschlehrer aufgehen?
Goethe über Asimov, Schiller über LeGuin?
Kann es sein, dass sie prinzipiell alles moderne als Schund oder zumindest wohlwollend als eskapistische Unterhaltungsliteratur betiteln?
Klingelt es da bei ihnen, Herr Eibach?
Große und schwerwiechende Fråchn, wo ich mir da edz schdell müssd.
Selbsdzweifl.
Ins Wanken gerådendes Selbsdverschdändnis.
Könnd des sei, dass ich edz echd der alde Debb bin, der wo schdändich rummeggerd und üwer die junge Leud blosn Kobf schüddeln kå?
Ja, Herr Eibach.
Und dass sie sich peinlicherweise bis heute in ihre pseudojugendlichen Klamotten zwängen macht die Sache auch nicht besser.
Das ist allerfeinste Verdrängung!
Dementia lässt grüßen!
Verdammd. Isses am End wår? Is des ganze Zeuch, was eeds Jåhr zwä bis drei mål in denne Brosbegdli åbriesn wird går ned so schlechd und vor allm går ned so annersch wie früher? Bin ich eefach blos zu verschdoggd um mich drauf einzumlass? Bin ich Schdädler und Walldorf in Bersonalunion? Der nerfiche ålde Sagg, der wo sein Frusd nei die Weld schreid, weiler genau des is? Nämmlich a ålder Sagg?
Ich habb da a ganz gloare Vorschdellung vo der Andword auf all diese Fråchn.
Awer die had "Der Solibsisd" in Freddrigg Brauns gleichnamiger Kurzgeschichde ja a. Is üwrichns a dolls Büchle. Damals bei Diochenes erschienen. In derre Zeid, wo ich vorinds vo verzähld hab. Wo die groasn Verlache noch Seins Figgschen und Fändäsie schdolz im Brogramm gführd hamm.
Flidderwochn in der Hölle war der Diddl.
Üwrichens noch früher a schonnamål. Da ehm noch als Hefdle. Bei Möwich. Derra Sonderband ennesiebzich. Neunzehnhunnerddreiasechzich. Midn Diddlbild vom gudn åldn Dschonnie Bruck. Awer dass ich all dess wiss du und gleichzeidich nix mid demm neun Zeuchs åfang kå, hadd sicher nix mid mein Ålder zum du.
Ich bin doch kä Åldeisn.
Und edz hör ich uff mid dem Gschmarr,
wünsch euch a am kommendn Wochnend viel Schbass und Freud und verabschied mich wie immer boliglodd mid mein allseid beliebdn
tschau, arrifidertschi, euer Gerd
Und diesmal brauch ich kä Fiedbägg.
Sicher.
- Kategorie: Gerd solo , Mini Podcast , Sprecher Gerd , Vom Låden und vom Leben
- Keine Kommentare
Gerd zu Gerds garstiges Geblubber 69: Betrachtungen vom Krankenbett Teil 1: Danke Alessandro, freut mich sehr, wenn es dir gefällt und vor allem, wenn du dich dazu auch äußerst.
Einen Kommentar schreiben