Geduld [Geduld]
von Gerd am 29. Mai 2026 noch kein Kommentar - schreibe den ersten!
Podcast: in neuem Fenster abspielen | Dateidownload (Laufzeit und Dateigröße: 10:13 — 7.9MB)
Subscribe: RSS | Mehr anzeigen
Vom Låden und vom Leben Nummer 38 – Geduld
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #38: Geduld)
(als Ergänzung zu Hammersbald)
Servus ihr Liem dord draußn,
heud isses amål widder soweid. Heud du i wieder fränggln. Awer – un des hab i scho a boarmål bewiesn – s gehd a ohne Grand. Dann nacherd hald a weng filosofisch.
Mei Deema is Geduld. Könnd "se männie scheids of Geduld" sei.
Oder mer könnds a ganz annersch aufzie, ehm als Kommunigazionsdeema. Der Sinn zwischn die Zeiln oder besser gsåchd zwischn die Wörder oder Subdexd. Weil s gibbd dodål unnerschiedliche, sozumsåchn fassd scho audodynamische Endwigglungen in Gschbrächn. Zum Beisbiel grichd wer was nein falschn Hals und is nacherd dodål aggressief. Oder mer dud aneinanner vorbeireed und gefühld goar nix verschde. Oder ehm blubberblasn ausm Mund rauslass, wo derre annere, also der Gschbrächsbaddner noch neddamål mid gschbrochener Schbråche in Zusammenhang bring kå. Ja echd, des gibbds.
Awer des isses gar nedd, wo ich heud drauf nauswill. Des war blos der Åfang. Manchmal bassierds, un es endwiggeld sich auf wundersame Weise a diefschürfendes Geschbräch aus alldächlichn Flosgln. Aus Smålldåg sozumsach. Des kann nacherd innem Daxi genauso bassier, wie innem Waddezimmer oder während enner Füsio oder Erchoderabbieschdund. Warum des nacherd so bassier dud, wäss ich echd ned. Da gibbds sicher a boar unnerschiedliche, möchliche Ursåchn.
Gloar. Kann sei, dass die zwä – oder mehr, wo sich unnerhåld du, a ähnliche Wellenlänge hamm, wie ma so schö sach dud. Kann a sei, dass dess Wedder eefach so schlechd is, dasses nix hergeb dud, um drüwer zu redd. Vielleichd gibbds da a meddafüsische Gründ oder esodärische. Awer eichndlich isses Wurschd, wieso und woher des komm dud. Weil wichdich is des Ergebnis – oder der Zugewinn, den wo mer vou sowas hamm kå. Und des is ned blos des wichdichsde, sonnern essenziell.
Schdell mer uns amål vor, ich liech bei meiner Erchoderabeudin oder Füsio oder wie ach immer. Und irchndwie kommd nacherd des Gschbräch auf Geduld. Würd sich ja åbied. Hab ich euch scho a boar mal verzähld, dass ich im ledzdn Jåhr Geduld und so a Ard Demud glernd habb. Gibbds a ann widzichn Beidråch üwer mein Füsio und mei Ergoderabeudin. Odder besser gsåchd sogar mid denne. Awer zurügg zum Deema. Geduld.
Also sinn mir aus bekanndn Gründn auf des Dema Geduld kommn. Und dann gabs des, was ganz früher im Bayrischen Rundfungg kommn is. Zuhören, endsbannen, nachdenggn. (gud, s wår zuschaun, awer des kammer schonnamål frei inderbrädier) Irchndwie simmer nacherd von enner Erkenndnis zur annern kommn. Und da dadran möcherd ich euch heud deilhab lass.
Der Åfang war, wie gesåchd, dass mer uns üwer Geduld als Duchnd unnerhald hamm. Wardscheins hab ich mid meim Bee ågfangd, und dass ich im ledzdn Jåhr Geduld glernd habb. A weng jednfalls. Also Geduld mid Zeuch, wo ich nix dran ändern kå. Wirglich ned mei Kernkombedenz. Immer noch ned. Awer immerhin a weng.
Nacherd simmer dazu gekommn, dass derre Nina ihr Vadder edz im Alder a viel geduldicher gworrn is, dassder edz sogår freiwillich länger im Grangnhaus gebliem is. Also ned länger, wie die Ärzd gsåchd hamm, awer länger, wie er eichndlich gwolld had. Weilers hald eigsehn hadd. Un dass des a Seechn is. Ned blos führ ihm, sonnern a für sie, also für die Aghörichn. Und ja, Geduld ühm und die eichenen Hummeln im Oasch unner Kondrolle hald. Is gewissermaßn a Seechn.
Awer wo hörd der Seechn auf und wo wird dadraus a Fluch? Nämmlich zum Beischbiel der Fluch der Schdagnazion?
Wennsde immer dein Drieb nach vorne zurüggnemm dusd, nacherd kommsde nämmlich a ruggzugg in soanne Endlosschleife, wosde waddsd und waddsd un sich nix dud.
Ich hab dann a widder den Imbuls gehm, dass des zum Beischbiel a schlechd sei kå, als Eichnschaffd vonnem Vorgsedzdn oder Scheff.
Führd zu Schdillschdand aus falsch verschdannenen Rüggsichdnahme und fehlgeleideder Geduld.
Bassierd mir a immer widder.
Dabei hädd ich mich früher führan guudn Scheff ghaldn. Ich habb zum Beischbiel unnere Schaukambfdrubbe üwer zwanzich Jåhr zammghaldn und a vorwärds gebrachd. Des had sich nacherd, wie ich aufghörd hab schnell alles in Wohlgefallen aufglösd. Awer ich bin wardscheins eefach blos a guder Hüdehund, wo die Leud zammhald kå. Awer ehm kei guder Scheff. Da wärs nämmlich manchmal besser wenicher Geduld zum zeich.
Sonsd nennd mer des mangelndes Durchsedzungsvermöchn und schlechde Führungsgwalidädn. Sozumsåch die – odder enne vo denn vieln Bedeudungen vo Geduld. In dem Fall zum Beischbiel a a fehlgeleidede Schbielård vo derre Geduld.
Na und dann hab ich a noch gemennd, dass es immer nen Unnerschied mach dud, obsde Geduld mid dir, mid annern oder mid Fordschridd hasd. Also Arbeidsfordschridd oder Erfolg, wemmer so sach will.
Ich bin zum Beischbiel unheimlich geduldich mid åschdrengenden un rebedidiefn Arbeidn. Da kann ich schdundnlang sidz bleib. Zegg mich richdichgehend fesd. Und ned blos Schdundn, sonnern a üwer Jåhre und Jåhrzehnde. Des is awer a widder a annere Abård von Geduld. Des ist Durchhaldevermöchn und Ausdauer. Bösårdich Aussidz genannd.
Hammer scho mehr wie drei unnerschiedliche Bedeudungen von Geduld. Oder Inderbrädazionen. Oder Fehlinderbrädazionen. Was dudn der Dudn sach?
Ädümmologisch kommd des Word üwer Umweeche vom ladeinischn "tolerare", also doleriern. Im Middlhochdeudschn wars (ge)dult, aldhochdeudsch (gi)dult, eichndlich "das Dulden", Im Middlhochdeudschn doln, un aldhochdeudsch dolēn was draachn bedeud dud, oder a duldn.
Die KaI schbuggd aus, dass der Dudn des folchendermasn definierd:
"Geduld is die Fähichkeid, Ruhe und Gelassenheid zu bewåhr, wennsde auf was ward dusd oder a unågenehme Siduazion erdråch dusd. Geduld gild als aggdiefe Duchnd, die wo Ausdauer, Selbsdkondrolle un Frusdrazionsdolleranz erfordern dud, um Ziele drodz Verzöcherungen zum erreich. Geduld kammer durch Achdsamkeid und gezielde Üwungen erlern, um Schdress zum reduzier."
Also doch a Duchnd. Hmm warum dun mir nacherd so viele neggadiefe Asbeggdli eifall? Wardscheins isses hald wie immer. Erschdns is alles relladief und zwäddens machd die Dosis des Gifd. Wenn Geduld zu Drächheid und Faulheid wird, isses ehm kei Geduld mehr. Wenn Geduld zu Insubordinazion und Schdillschdand führd, nacherd isses wohl a kei Geduld mehr, sondern Feichheid oder Blödheid. Und wenn Geduld dazu führ dud, dass du der ennziche Debb bisd, der wo des Zeuch erledich dud, weil die annern wissn, dass du geduldich, beziehungsweise blöd genuch bissd, nacherd is dess sicher kei Duchnd mehr.
Mir isses gloar, dasses da noch viel mehr Asbeggdli gebb dud, wie ich edz aufgezähld habb. Awer so geduldich bin ich ned, dass ich dess bis zum End verdief du. Weil die Erchoderrabieschdunde war nämmlich rum, wie mir an dem Bunggd wårn. Awer ich find, dass des scho ganz schö viel war für so an Smålldåg un a ganz schö filosofisch.
Und weil ich edz immer noch mindesdenz zwä mål die Woche zur Füsio oder / und zur Ercho muss, is mir dess a echde Freud, dass ich zumindesd in derre Zeid geisdiche Geschbräche führ kå. Des hilfd mir arch bei meiner ganz bersönlichn Geduldsbrobe.
Und vielleichd hadds bei euch ja a a Üwerleechung åschdoß gekönnd. Is a inneressands Deema. Müssd mer a amål n Bied dazu befraach. Wissd scho, den, der mir den Unnerschied zwischn dringend und wichdich verglärd had. Der wäss da beschdimmd was…
Für heud reichds mir ersd amål, dass ich da a Deema draus hab mach gekönnd, was zumindesd subjeggdief zimmlich inneressand is. Drodzdem is edz finiddo und ich verabschied mich wie immer bolliglodd. Dschau, arriffedertschi, euer Gerd
von Gerd am 29. Mai 2026 noch kein Kommentar - schreibe den ersten!
Podcast: in neuem Fenster abspielen | Dateidownload (Laufzeit und Dateigröße: 10:13 — 7.9MB)
Subscribe: RSS | Mehr anzeigen
Vom Låden und vom Leben Nummer 38 – Geduld
(…wie immer zum hören und mitlesen oder lesen und mithören, ganz wie ihr wollt)
Vom Låden und vom Leben
(audiofile #38: Geduld)
(als Ergänzung zu Hammersbald)
Servus ihr Liem dord draußn,
heud isses amål widder soweid. Heud du i wieder fränggln. Awer – un des hab i scho a boarmål bewiesn – s gehd a ohne Grand. Dann nacherd hald a weng filosofisch.
Mei Deema is Geduld. Könnd "se männie scheids of Geduld" sei.
Oder mer könnds a ganz annersch aufzie, ehm als Kommunigazionsdeema. Der Sinn zwischn die Zeiln oder besser gsåchd zwischn die Wörder oder Subdexd. Weil s gibbd dodål unnerschiedliche, sozumsåchn fassd scho audodynamische Endwigglungen in Gschbrächn. Zum Beisbiel grichd wer was nein falschn Hals und is nacherd dodål aggressief. Oder mer dud aneinanner vorbeireed und gefühld goar nix verschde. Oder ehm blubberblasn ausm Mund rauslass, wo derre annere, also der Gschbrächsbaddner noch neddamål mid gschbrochener Schbråche in Zusammenhang bring kå. Ja echd, des gibbds.
Awer des isses gar nedd, wo ich heud drauf nauswill. Des war blos der Åfang. Manchmal bassierds, un es endwiggeld sich auf wundersame Weise a diefschürfendes Geschbräch aus alldächlichn Flosgln. Aus Smålldåg sozumsach. Des kann nacherd innem Daxi genauso bassier, wie innem Waddezimmer oder während enner Füsio oder Erchoderabbieschdund. Warum des nacherd so bassier dud, wäss ich echd ned. Da gibbds sicher a boar unnerschiedliche, möchliche Ursåchn.
Gloar. Kann sei, dass die zwä – oder mehr, wo sich unnerhåld du, a ähnliche Wellenlänge hamm, wie ma so schö sach dud. Kann a sei, dass dess Wedder eefach so schlechd is, dasses nix hergeb dud, um drüwer zu redd. Vielleichd gibbds da a meddafüsische Gründ oder esodärische. Awer eichndlich isses Wurschd, wieso und woher des komm dud. Weil wichdich is des Ergebnis – oder der Zugewinn, den wo mer vou sowas hamm kå. Und des is ned blos des wichdichsde, sonnern essenziell.
Schdell mer uns amål vor, ich liech bei meiner Erchoderabeudin oder Füsio oder wie ach immer. Und irchndwie kommd nacherd des Gschbräch auf Geduld. Würd sich ja åbied. Hab ich euch scho a boar mal verzähld, dass ich im ledzdn Jåhr Geduld und so a Ard Demud glernd habb. Gibbds a ann widzichn Beidråch üwer mein Füsio und mei Ergoderabeudin. Odder besser gsåchd sogar mid denne. Awer zurügg zum Deema. Geduld.
Also sinn mir aus bekanndn Gründn auf des Dema Geduld kommn. Und dann gabs des, was ganz früher im Bayrischen Rundfungg kommn is. Zuhören, endsbannen, nachdenggn. (gud, s wår zuschaun, awer des kammer schonnamål frei inderbrädier) Irchndwie simmer nacherd von enner Erkenndnis zur annern kommn. Und da dadran möcherd ich euch heud deilhab lass.
Der Åfang war, wie gesåchd, dass mer uns üwer Geduld als Duchnd unnerhald hamm. Wardscheins hab ich mid meim Bee ågfangd, und dass ich im ledzdn Jåhr Geduld glernd habb. A weng jednfalls. Also Geduld mid Zeuch, wo ich nix dran ändern kå. Wirglich ned mei Kernkombedenz. Immer noch ned. Awer immerhin a weng.
Nacherd simmer dazu gekommn, dass derre Nina ihr Vadder edz im Alder a viel geduldicher gworrn is, dassder edz sogår freiwillich länger im Grangnhaus gebliem is. Also ned länger, wie die Ärzd gsåchd hamm, awer länger, wie er eichndlich gwolld had. Weilers hald eigsehn hadd. Un dass des a Seechn is. Ned blos führ ihm, sonnern a für sie, also für die Aghörichn. Und ja, Geduld ühm und die eichenen Hummeln im Oasch unner Kondrolle hald. Is gewissermaßn a Seechn.
Awer wo hörd der Seechn auf und wo wird dadraus a Fluch? Nämmlich zum Beischbiel der Fluch der Schdagnazion?
Wennsde immer dein Drieb nach vorne zurüggnemm dusd, nacherd kommsde nämmlich a ruggzugg in soanne Endlosschleife, wosde waddsd und waddsd un sich nix dud.
Ich hab dann a widder den Imbuls gehm, dass des zum Beischbiel a schlechd sei kå, als Eichnschaffd vonnem Vorgsedzdn oder Scheff.
Führd zu Schdillschdand aus falsch verschdannenen Rüggsichdnahme und fehlgeleideder Geduld.
Bassierd mir a immer widder.
Dabei hädd ich mich früher führan guudn Scheff ghaldn. Ich habb zum Beischbiel unnere Schaukambfdrubbe üwer zwanzich Jåhr zammghaldn und a vorwärds gebrachd. Des had sich nacherd, wie ich aufghörd hab schnell alles in Wohlgefallen aufglösd. Awer ich bin wardscheins eefach blos a guder Hüdehund, wo die Leud zammhald kå. Awer ehm kei guder Scheff. Da wärs nämmlich manchmal besser wenicher Geduld zum zeich.
Sonsd nennd mer des mangelndes Durchsedzungsvermöchn und schlechde Führungsgwalidädn. Sozumsåch die – odder enne vo denn vieln Bedeudungen vo Geduld. In dem Fall zum Beischbiel a a fehlgeleidede Schbielård vo derre Geduld.
Na und dann hab ich a noch gemennd, dass es immer nen Unnerschied mach dud, obsde Geduld mid dir, mid annern oder mid Fordschridd hasd. Also Arbeidsfordschridd oder Erfolg, wemmer so sach will.
Ich bin zum Beischbiel unheimlich geduldich mid åschdrengenden un rebedidiefn Arbeidn. Da kann ich schdundnlang sidz bleib. Zegg mich richdichgehend fesd. Und ned blos Schdundn, sonnern a üwer Jåhre und Jåhrzehnde. Des is awer a widder a annere Abård von Geduld. Des ist Durchhaldevermöchn und Ausdauer. Bösårdich Aussidz genannd.
Hammer scho mehr wie drei unnerschiedliche Bedeudungen von Geduld. Oder Inderbrädazionen. Oder Fehlinderbrädazionen. Was dudn der Dudn sach?
Ädümmologisch kommd des Word üwer Umweeche vom ladeinischn "tolerare", also doleriern. Im Middlhochdeudschn wars (ge)dult, aldhochdeudsch (gi)dult, eichndlich "das Dulden", Im Middlhochdeudschn doln, un aldhochdeudsch dolēn was draachn bedeud dud, oder a duldn.
Die KaI schbuggd aus, dass der Dudn des folchendermasn definierd:
"Geduld is die Fähichkeid, Ruhe und Gelassenheid zu bewåhr, wennsde auf was ward dusd oder a unågenehme Siduazion erdråch dusd. Geduld gild als aggdiefe Duchnd, die wo Ausdauer, Selbsdkondrolle un Frusdrazionsdolleranz erfordern dud, um Ziele drodz Verzöcherungen zum erreich. Geduld kammer durch Achdsamkeid und gezielde Üwungen erlern, um Schdress zum reduzier."
Also doch a Duchnd. Hmm warum dun mir nacherd so viele neggadiefe Asbeggdli eifall? Wardscheins isses hald wie immer. Erschdns is alles relladief und zwäddens machd die Dosis des Gifd. Wenn Geduld zu Drächheid und Faulheid wird, isses ehm kei Geduld mehr. Wenn Geduld zu Insubordinazion und Schdillschdand führd, nacherd isses wohl a kei Geduld mehr, sondern Feichheid oder Blödheid. Und wenn Geduld dazu führ dud, dass du der ennziche Debb bisd, der wo des Zeuch erledich dud, weil die annern wissn, dass du geduldich, beziehungsweise blöd genuch bissd, nacherd is dess sicher kei Duchnd mehr.
Mir isses gloar, dasses da noch viel mehr Asbeggdli gebb dud, wie ich edz aufgezähld habb. Awer so geduldich bin ich ned, dass ich dess bis zum End verdief du. Weil die Erchoderrabieschdunde war nämmlich rum, wie mir an dem Bunggd wårn. Awer ich find, dass des scho ganz schö viel war für so an Smålldåg un a ganz schö filosofisch.
Und weil ich edz immer noch mindesdenz zwä mål die Woche zur Füsio oder / und zur Ercho muss, is mir dess a echde Freud, dass ich zumindesd in derre Zeid geisdiche Geschbräche führ kå. Des hilfd mir arch bei meiner ganz bersönlichn Geduldsbrobe.
Und vielleichd hadds bei euch ja a a Üwerleechung åschdoß gekönnd. Is a inneressands Deema. Müssd mer a amål n Bied dazu befraach. Wissd scho, den, der mir den Unnerschied zwischn dringend und wichdich verglärd had. Der wäss da beschdimmd was…
Für heud reichds mir ersd amål, dass ich da a Deema draus hab mach gekönnd, was zumindesd subjeggdief zimmlich inneressand is. Drodzdem is edz finiddo und ich verabschied mich wie immer bolliglodd. Dschau, arriffedertschi, euer Gerd
Sarah zu Sarahs Kaffeekränzchen 03: Jahres-Lese-Rückblick 2025 Teil 3: Danke Alessandro!
Einen Kommentar schreiben